Home TE NDRYSHME Sot u bënë 16 vite pa të madhen Anita Bitri/ Jeta e...

Sot u bënë 16 vite pa të madhen Anita Bitri/ Jeta e saj në Amerikë që nuk e kemi ditur

162
0

Para 16 vitesh në Shtetet e Bashkuara të Amerikës më 19 tetor 2004 humbi jetën, bashkë me nënën dhe vajzën 7-vjeçare, një nga zërat më të bukur të muzikës së lehtë shqiptare, këngëtarja Anita Bitri.

Anita Bitri kishte vendosur me shume se 8 vjet në SHBA së bashku me familjen e saj. Keshtu gjate kohes se saj në Amerikë aktiviteti artistik i Anitës ka qënë i vazhdueshëm dhe gjithmonë e lidhur me problemet e Diasporës Shqiptare, duke ndihmuar shumë në rritjen e prestigjit të artit shqiptar.

Anita ishte jo vetëm një artiste e talentuar, por gjithashtu edhe një aktiviste në komunitetin shqiptar, me pjesemarrje në koncertet e bamirësisë dhe aktivitete të ndryshme të Diasporës për mbledhjen e ndihmave për në Kosovë.

Kryesorja në këtë kontekst është për t’u theksuar koncerti i bamirësisë që u zhvillua në 10 prill 2000 për mbledhjen e ndihmave për fëmijët e varfër të Shqipërisë.

Ajo ishte njëkohësisht dhe një anëtare aktive e Organizatës së Gruas Shqiptare në Amerikë “Motrat Qiriazi”. Anita e shikonte pjesëmarrjen në koncertet e ndryshme të komunitetit si dhe ato bamirëse si vazhdimësi të rrugës së saj artistike. Në këtë mënyrë, talentin dhe zërin e mrekullueshëm ja dedikoi tërësisht çështjes shqiptare.