Rama mbyll vendin ditën e Fiter Bajramit/ Besimtarët myslimanë nuk do të mund të falen në xhami dhe sheshe

Pavarësisht kesaj jave qe kaluam ne vendin tone pati nje lehtësim thuajse të plotë të masave kundër koronavirusit, ne fundjave, pra diten e diele do të mbyllet sërish vendi.

Kjo per me teper do të thotë se besimtarët myslimanë nuk do të mund të falin namazin e Fiter Bajramit ne shesh te gjithe se bashku te grumbulluar.

Festa është kulmi i një muaji agjërimi, i cili kulmon mëngjesin e ditës tjeter pas mbylljes së muajit të bekuar, me lutje te perbashket.

Megjithatë, kjo e diel qe i bie te jete edhe festa e Bajramit, nuk do të mund të falet nëpër xhamia apo në sheshe publike siç ka ndodhur gjithmone.

Mesa duket ky ishte nje vendim i papritur i kryeministrit Rama, i cili u lajmërua shkurtimisht në Facebook dhe vlen për zonat të cilat konsiderohen ende të kuqe për shkak të koronavirusit.

Dita e hënë është ditë pushimi zyrtar, ndërsa ende nuk ka një vendim nëse do të ketë një vendim të ngjashëm si të dielën.