Teksa në Shqipëri që prej muajit qershor ka qenë prezent varianti Delta i koronavirusit, mjeku infeksionist Gent Stroni, ka folur për ABC duke dhënë disa detaje rreth simptomave të Deltas.
Sipas Stronit ka një zbutje dhe ndryshim të simptomave të variantit të ri të covid, pasi tashmë ky virus ka më shumë pjesët gastrointestinal dhe jo rrugët respirative.
“Ajo që shikojmë është situata virale. Le të kthemi në dy tre vite para dhe shikojmë një rritje infektimesh gastrointestinal. Kur janë më të dukshëm problemet, pra janë në periudha të larta të nxehta. Parë në këndvështrimin e virozëve me shumë. Ajo që ne shikojmë janë persona me temperaturë, mund të mos kenë as diarre apo probleme respiratorë. Kemi një zbutje mesa duket. Me shumë gjasa kemi të bëjmë me një variant të ri dhe është Delta.” tha Stroni.
Stroni më tej ka theksuar se të prekurit nga ky virus shfaqin simptoma të njëjta me virozat e stinës. Ai ka shtuar se duhet që qytetarët të përdorin sa më shumë lëngje dhe vitamina për të forcuar imunitetin.
“Koronaviruset nuk duhet të etiketojmë të gjithë virozat se ka edhe viruse të tjera. Ajo që duhet të shikojmë është çështja e Covid dhe variantet. Është fakti se këto të dhëna dhe këto pacientë në urgjenca janë simptoma të etiketuar dhe kemi të bëjmë me rrufë, dhimbje koke, teshtima dhe sy që lotojnë. Nuk i shikojmë gjatë beharit.”
“Ruajtje e ekuilibrit. Duhet të marrim lëngje dhe elektrolite. Mbajtja e këtij ekuilibri na jep dorë se edhe dhënia e një paracetamoli të ul temperaturën me anë të djersitjes. Por kjo situatë nëse vazhdon mbi dy ditë. Të shkojë tek mjeku i familjes dhe të bëjë analizat. Të shohë nëse ka ndryshime dhe ne i shikojmë edhe në dukje të parametrave.” tha Stroni.
Ndërkohë Stroni ka shtuar se marrja e medikamenteve nuk është gjithmonë e këshillueshme.
“ Kini parasysh që përbën problem të madh marrja e medikamenteve që ndalojnë diarren. Janë dy medikamente qe nuk duhet të përdoren se vetë organizmi pretendon të nxjerri jashtë atë që i ka bërë dëm. Dhe kur e frenon diarren kemi mbajtur brenda atë që duhet të dalë jashtë. Në lidhje me ruajtjen e ekuilibrit. Trisoli është me shumë vlera. Sa më shumë të merret aq më shumë ndikon në situatën e pacientit. Bën shpëlarje por zëvendëson edhe elektrolitet. Nuk jemi në gjendje të vlerësojmë nëse ka virozë apo bakteriozë nga ushqimet. Nëse kemi rrufë vlen të përmendet se duhet të marrim vitamina. Vitaminë C dhe Zink. Për të bërë të mundur uljen e mundësisë së dëmeve.”
“Virozat e stinës nuk janë më shumë se tre ose katër ditë. Ajo që vlen është se a do duhet të krahasojmë me covid. Por Covid jep në situatën e dytë. E jep në javën e dytë. Duhet të bëhet diferencimi. Duhet të jenë pranë një mjeku. Një tjetër element është temperatura. Shikojmë se temperatura është më e lartë se 38.5 pra nëse kemi temperatura më të larta të shkojmë tek mjeku.”
“Ndodh që gripi nuk ishte prezent këtë vit. Dhe duhet të potencojmë rrezikshmërinë nga koronavirusi. Me shumë gjasa shanset janë të jetë Delta dhe jo një tjetër virozë stinore. “ tha Stroni.
