Dalin rregullat e reja/ Cfarë do ndodhë nëse një fëmijë do të ketë simptomat e koronavirusit

0
348

Ditën e sotme ministrja e Arsimit, Evis Kushi ka zhvilluar një takim me drejtuesit e Zyrave Vendore të Arsimit Parauniversitar mbi masat e marra për vitin e ri shkollor 2021-2022.

Një jav larg nga rifillimi i mësimit ministrja ka bërë me dije se nxënësit dhe mësuesit dueht të respektojnë disa nga masat e vendosura për parandalimin e Covid-19 dhe për vijimin e procesit mësimor normalisht.

Disa nga masat e marra përfshijnë respektimin me rigorizitet të orarit të hyrjes dhe daljes nga shkolla, si dhe rreshtimin në një largësi 1.5 metra nga njëri-tjetri.

Komiteti Teknik ka vendosur se kur një nxënës ka simptoma Covid ai duhet të lajmërojë mësuesin kujdestar, i cili në bashkëpunim me mjekun e shkollës apo familjes vërteton nëse është i sëmurë.

Të gjithë nxënësit duhet të jenë të pajisur me maskë mbrojtëse. Gjithashtu shkollat, sipas mundësive, duhet të ofrojnë dezinfektim për këpucët e fëmijëve para se të futen në institucionet e arsimit.

Nuk lejohet që nxënësit të dalin apo të futen përsëri në godinë dhe do të ketë vetëm një herë hyrje në shkollë dhe më pas një herë dalje.