I ftuari i kësaj të shtune mbrëma në “Xing me Ermalin” është Hazbi Kasaj, që u bë personazh i njohur për publikun që pas kandidaturës së tij për kryetar Bashkie në Këlcyrë.
Me deklaratat e tij të çuditshme: ‘e zëntë kanceri në grykë atë që nuk më voton’ dhe ‘të gjithë ata meshkujt që zënë femër me forcë, unë propozoj që të dalë ligji dhe t’u pritet deri në kërcell’, ai ka vijuar dhe me një akuzë ndaj moderatorit të emisionit të mëngjesit në Klan TV, Aldon Lipe.
Hazbi Kasaj ka rrëfyer që në zonën e tij mbahe për mblesëritë, ku realizon takime për çifte të ndryshme, por Ermali e ka thumbuar duke i thënë se këtë gjë bën Aldo i “Morning Show”, por kandidati për kryetar Bashkie ka thënë se moderatori e ka kopjuar atë.
“Aldo më ka kupjuar mua, jo unë atë. Nëse na dëgjon i them se më ka kupjuar sepse unë kam që në kohën e Enverit që e bëj këtë”, – është shprehur Hazbi Kasaj.
(R.L/Dosja.al)
