Pjesë e rubrikës “Ka një mesazh për ty” tek E Diela Shqiptare në Tv Klan, ka qenë e ftuar Ermira 24 vjeç e cila ka treguar se është rritur jetime dhe nënën e saj e ka humbur kur ishte vetëm 6 muajsh.
Kur mbushi 18 vjeç ajo njohu dhe u dashuria me një djalë që jetonte në Gjermani dhe u martuan. Ajo tregon se shkoi në Gjermani ta vizitonte, por ai donte që të qëndronte aty përgjithmonë sepse sipas saj ai ishte pak xheloz.
Ermira i ka treguar Ardit Gjebreas edhe bisedën që bënte me burrin e saj para se të fejoheshin. Ajo i thoshte se e ka shumë të vështirë t’i thërriste të ëmës së tij nënë sepse goja e saj nuk e ka thirrur kurrë emrin nënë, edhe njerkës i thërriste me emër.
Por kur e takoi vjehrrën, ajo i ka thirrur nënë spontanisht dhe e ka ndjerë shumë. Ajo dhe vjehrra kanë një histori të ngjashme me njëra-tjetrën, sepse edhe vjehrra ka humbur babain e saj kur ka qenë e vogël.
Ermira tregon se vjehrra është shumë e shtrenjtë për të, e do shumë dhe e konsideron si nënën e saj të vetme. Madje gjatë emisionit i ka kërkuar që ajo të shkojë të jetojë me ta në Gjermani, ku sipas saj nëse ka pranë vjehrrën, ka gjithë botën.
“Në familjen tënde jam ndjerë vajza më e lumtur në botë. U rrita jetime dhe gjeta një nënë. Të falënderoj për çdo gjë që bën për mua. Dua të të kërkoj diçka, dua të jetosh me mua në Gjermani sepse kam shumë ngrohtësi nga ty, kur të kam afër ty, ndihem sikur kam gjithë botën pranë. Të dua shumë”, shprehet Ermira.
Vjehrra gjithashtu tregoi se edhe ajo e do shumë Ermirën, si vajzën e saj dhe përpiqet të bëjë të pamundurën që ajo të jetë e lumtur duke i dhënë mbështetjen e plotë. /tvklan.al
