“Nuk mund të bjerë shi përgjithmonë”, Alimehmeti jep lajmin e mirë:Ja cpo ndodh me virusin delta

0
404

Mjeku i njohur Ilir Alimehmeti ka dhënë një lajm të mirë në lidhje me situatën e pandemisë në vendin tonë. Në një status në rrjetet sociale ai thotë se Delta ka filluar rënien e qartë.

Mjeku thekson se të gjithë indikatorët epidemiologjikë tregojnë qartë fillimin e rënies që javën e kaluar!

Këtu ai përmend rënien e mesatares së rasteve të reja në 7 ditë, rasteve aktive dhe incidencës dy javore të rasteve për 100 mijë banorë.

Statusi i plotë

“Nuk mund të bjerë shi përgjithmonë”

Cit.: “Korbi”

Vala Delta po thyhet miqtë e mi!

Më 30 gusht 2021 kemi përllogaritur që piku i valës Delta në Shqipëri do të arrihej ndërmjet datave 5 dhe 15 shtator 2021!

Më 14 shtator pamë sinjalet e para të fillimit të rënies, me rënien për herë të parë të rasteve aktive (-147).

Megjithatë, tashmë e kemi mësuar që duhet të presim të paktën një javë dhe idealisht dy javë për të qenë më të bindur për trajektoren.

Sot, datë 23 shtator 2021, të gjithë indikatorët epidemiologjikë tregojnë qartë fillimin e rënies që javën e kaluar!

Në detaj:

Po bie mesatarja e rasteve të reja në bazë 7 ditore!

Po bie numri i rasteve aktive!

Po bie mesatarja e përqindjes së pozitivitetit të testimeve në bazë 7 ditore!

Po bie incidenca dyjavore e rasteve të reja për 100.000 banorë!

Kujdes tani miqtë e mi, sepse aksidente në mal ndodhin më shumë gjatë zbritjes se sa gjatë hipjes!

Duhen edhe disa javë përpara se të zbresim plotësisht.

Fatkeqësisht humbjet e jetës janë më të vonuara me 10-14 ditë në krahasim me rastet e reja dhe rënia e tyre do të fillojë në gjysmen e parë të tetorit, nëse rënia e rasteve është e vazhdueshme!

Deri atëherë këshillat janë të thjeshta nëse nuk jeni të imunizuar (as të shëruar dhe as të vaksinuar):

Vaksinohuni nëse nuk e keni të kundraindikuar!

Ruani distancën!

Evitoni grumbullimet!

Shtrëngojmë dhëmbët edhe pak por vala Delta ka filluar rënien e qartë!

Dr. Shk. Ilir Alimehmeti

Epidemiolog Klinik

Fakulteti i Mjekësisë, UMT

Akademia e Shkencave të Shqipërisë

m.v/abcnews.al