Ish-Kryeministri Sali Berisha po vazhdon takimet me simpatizantët e tij. Takimi i radhës ishte në qytetin e Vlorës.
Pas fjalës së tij, mikrofonin e morën qytetarët ku secili kishte ndonjë kërkesë.
Një e moshuar ktheu pas në kohë Berishën duke i kujtuar se e kishte puthur shumë vite më parë gjatë një fushate elektorale.
“Unë kur ke ardhur për herë të parë këtu, të kam takuar dhe puthur, përqafuar, i thanë burrit tim; “gruaja jote ka puthur Sali Berishën”. Mirë bëri tha, është babai që do të shpëtojë Shqipërinë. Isha shumë e re, kam qenë 20 vite përpara. Kam ardhur që të them cdo të bëhet me pronat tona? Ne pronat i harruam tani, duam shëndet se jemi të tërë për në Babicë.
Këtë parti do të ndani në dysh apo do ta bëni njësh? Atëherë bëjeni njësh dhe veri një zot partisë dhe Bashën çojeni nga erdhi të ujisë lulet e Holandës. Lulzim Basha të shkojë atje ku ka vendin. Nëse partia nuk bashkohet ne nuk fitojmë kurrë” tha e moshuara”– u shpreh e moshuara.
