Home TE NDRYSHME Filmohet një piroman duke i vënë flakën pyllit. Po pse në Shqipëri...

Filmohet një piroman duke i vënë flakën pyllit. Po pse në Shqipëri ka çdo vit kaq shumë zjarre?

306
0

Një video e publikuar nga karabinierët në Itali tregon momentin teksa një piroman, ndez në mënyrë të qëllimshme një zjarr pranë Montesarchio, një qytezë 50 km larg Napolit.

Në pamje duket një person teksa ndez shkrepsen dhe e vendos atë në bar para se të largohet me shpejtësi. I riu u vu në pranga nga policia.

Video u publikua qëllimisht për të informuar publikun me akte të tilla që në vendin fqinjë konsiderohen të paprecedentë.

Por këtu në Shqipëri kjo është në situatë e përvitshme. Vetë banorët pranojnë se prej fundit të viteve 90, pra prej më shumë se 20 vjetësh, u vënë flakën zonave kodrinore dhe malore me qëllim që të hapin terrenin për kullota të reja dhe toka të reja për të mbjella.

Ndërsa tani, ka lindur një fenomen i ri që synon të nxjerrë tokë turistike për ndërtime, me lehtësinë më të madhe, duke i vënë flakën dhe atyre pak zonave që ende nuk janë shfrytëzuar për ndërtimet totalisht pa kriter që kanë mbushur jugun.

Kjo situatë detyroi kreun e Kadastrës, Artan Lame të dalë në jug pata mediave dhe të deklarojë se kurrë nuk do të legalizohen troje turistike të përftuara nga zjarret e qëllimshme që po ndodhin.

Kjo pastaj ha tjetër diskutim, sepse së pari, do të duhen vite që të ngrihen struktura turistike në këto djegësira dhe së dyti, rrallëkush po kupton përse ende flitet për legalizime, kur presupozohej se ky proces do të përfshinte ndërtimet e deri disa viteve më parë dhe jo çdo ndërtim që vazhdon të bëhet ilegalisht. /noa.al