Home TE NDRYSHME Bujar Asqeriu i bën surprizë mbesës në emision live dhe ‘shpërthen’ në...

Bujar Asqeriu i bën surprizë mbesës në emision live dhe ‘shpërthen’ në lot/ video

121
0

Violinistja e njohur shqiptare e “Formula E”, Fjorela Asqeriu ka performuar krah emrave të njohur si Ennio Morricone, Andrea Bocelli e Gigi Prietti.

Sot në “Ftesë në 5” me Bieta Sulon, teksa ajo po rrëfente disa prej eksperiencave krah artistëve në fjalë, një surprizë e këndshme i erdhi nga xhaxhai, aktori i njohur Bujar Asqeriu.

I përlotur që prej nisjes së intervistës, Bujari nuk ngurroi të shprehte hapur krenarinë për mbesën.

“Kur arriti këtu unë pata një emocion shumë të madh. Pastaj kur e pashë me Gigi Proietti në një koncert, një prej aktorëve më të mëdhenj të Italisë, një showmen i jashtëzakonshëm, aty kuptova që Fjorela po ecte bukur në rrugën e saj”, tha ai.

Ndër të tjera aktori me krenari theksoi se është i lumtur që mbesa e tij ia doli pa mbështetjen e askujt, pasi nuk kishte as familje të njohur e njerëz të pushtetshëm.