Home TE NDRYSHME Arbana Osmani, si ndryshoi jeta e prezantueses së mirënjohur nga martesa me...

Arbana Osmani, si ndryshoi jeta e prezantueses së mirënjohur nga martesa me financierin te lidhja me regjisorin

392
0

Gjithë këto vite ka qenë sekret/ Del arsyeja pse u nda Arbana me burrin e parë: Kush i njohu, pse jetuan në EIbasan dhe cili eshte mbiemri i vërtetë i prezantueses

Arbana dhe bashkëshorti i saj me profesion financier, Ardit Kero, janë divorcuar kohë më parë. Ata sollën në jetë edhe një djalë, i cili quhet Jon.

Vetë moderatorja ka qenë gjithmonë e rezervuar në lidhje me partnerin e saj, madje edhe fotot që ka me të janë shumë të pakta.

Po, a ishte kjo një ndarje e paqtë dhe me mirëkuptim, apo nga ato ndarjet e vështira me mIIef?

Burime të afërta pranë çiftit kanë pohuar për “Panorama Plus” se kontradiktat mes çiftit kanë ekzistuar dhe natyrisht që nuk bën pjesë te ndarjet me mirëkuptim. Madje, partneri i saj, pas vendimit, ka udhëtuar në Shtetet e Bashkuara të Amerikës për të kaluar paksa situatën e vështirë.

Por, si u njoh Arbana Osmani para gati dy dekadash me një djalë, që nuk ishte pjesë e televizionit, financierin Ardit Kero?

Siç e ka rrëfyer dhe vetë Arbana në ndonjë intervistë të rrallë për jetën private, shkak për njohjen e tyre u bë miku i saj Bojken Lako, i cili njëkohësisht kishte shok Ardit Keron.

Arbana iu rikthye kësaj historie në media, duke rrëfyer fillimet e saj në radio, në 20-vjetorin e “Top Albania Radio”. Osmani rrëfeu se edhe asaj ia kanë mbyllur dikur derën në fytyrë dhe pikërisht ai që sot është një prej miqve të saj më të mirë, Lako.

“Kujtova atë ditë, kur pa më thënë asnjeri asgjë, unë thjesht e kisha dëgjuar te radio, trokita te dera e radios, doli Bojkeni dhe i thashë: “A keni nevojë për prezantuese?” Më tha: “Jo, s’kemi. E ma mbylli derën”, rrëfeu Arbana. “Pastaj, 6 muaj më vonë, u bë një audicion, sepse kishin nevojë për prezantuese dhe unë fitova audicionin. Por herën e parë më është mbyllur dera”, u shpreh moderatorja.

Por duket se kjo mbyllje dere në fytyrë ishte para se ata të njiheshin, pasi më vonë me lidhjen që krijoi me mikun e tij, Keron, gjërat ndryshuan. Duke parë edhe talentin e saj, Arbanës iu besua show më i famshëm dhe më me ndikim në publik i atyre viteve, pikërisht “Big Brother Albania”.

Është padyshim një nga moderatoret më të mira, e cila e filloi karrierën e saj në “Top Albania Radio” te të 20-at. Prej vitesh ka qenë një nga personat më të rëndësishëm në televizionin ku punon, ku ka moderuar një sërë projektesh të rëndësishme.

Edhe pse ka qenë e martuar me letra, ajo e ka mbajtur gjithmonë larg vëmendjes familjen e saj, ndonëse së fundmi nuk mungojnë fotot me të birin. Por kush është personi që Arbana Osmani ka pasur në krah për 16 vite?

Foton e parë me bashkëshortin, Arbana e postoi në pranverën e 2014-s, ku ajo dukej e lumtur, ndërsa ai e puthte në ballë. Fansat e saj panë për herë të parë burrin e Arbanës (në një foto të publikuar me dëshirën e saj), edhe pse në atë vit kishin 12 vite të martuar.

Fotot e publikuara deri në atë momente në media ishin ato të shkrepura nga paparacët, kur ata shkonin çift në ndonjë aktivitet publik. Faktin që moderatorja po jetonte një martesë të celebruar, ajo e bëri publik para katër vitesh, kur u vesh nuse në sfilatën e një eventi.

Osmani pohoi se s’kishte plan të vishej nuse në jetën reale, pasi nuk i pëlqente të ndante intimitetet nga jeta private me të tjerët.

Ndërkohë që ajo zbuloi një fakt interesant, që prej vitesh jetonte në Elbasan me bashkëshortin, për shkak të punës së tij dhe udhëtonte çdo ditë në Tiranë për të punuar në televizion.

Edhe pse një personazh publik, pas celebrimit kishte pranuar të merrte mbiemrin e burrit nga Tirana, duke figuruar në regjistrat e Gjendjes Civile si Arbana Kero, jo Arbana Osmani.