Po bën sot xhiron e rrjetit një video ku shfaqet Trevor Mallard duke ushqyer një bebe gjatë seancës në Parlamentin e Zelandës së Re.
Fëmija ishte i deputetit Tamati Coffey i cili e kishte e marrë vogëlushin me vete në parlament. Teksa Coffey po mbante fjalim, kryeparlamentari e mbajti bebin dhe e ushqeu.
Veprimi i Trevor Mallard u duartrokit nga të gjithë deputetët të cilët nuk ngurruan të bënin foto me vogëlushin 1-muajsh.
Pamjet i publikoi edhe vetë kryeparlamentari duke shkruar me humor se një VIP ia mori sot vendin.
“Zelanda e re, jeni një vend i vogël, por ju i jepni një mësim të madh botës”, shkroi një person në Twitter. “Gjëja më e bukur që kam parë”, shkroi një tjetër.
