Anton Herashchenko, këshilltari i Ministrisë së Brendshme të Ukrainës ka paralajmëruar se sot do të jetë dita më e vështirë e rezistencës, pasi Rusia po përpiqet të depërtojë në Kiev me kolona tankesh që zbresin në kryeqytet nga verilindja dhe veriperëndimi.
Mediat ndërkombëtare shkruajnë për një raport kundërzbulimi që është shpërndarë nga një “burim ukrainas”, i cili ka të detajuar planin e Rusisë për të marrë kontrollin e Kievit dhe gjithë vendit. Gjithçka është e pakonfirmuar, por kjo është ajo që ata raportojnë se Rusia dëshiron të bëjë:
Kapni aeroportin e Kievit dhe kontrollin e trafikut ajror për të lejuar 10,000 trupa të zbarkojnë, duke shpërqendruar ushtrinë me sulmet në kufi
Fikni energjinë elektrike dhe komunikimet e Kievit për të shkaktuar pa nik
Provokoni një eksod të refugjatëve për të parandaluar lëvizjen e forcave të armatosura ukrainase
Kapni ndërtesat qeveritare duke përfshirë kabinetin dhe parlamentin dhe kapni udhëheqjen shtetërore, duke i detyruar ata të nënshkruajnë një marrëveshje me kushtet ruse
Sillni udhëheqës pro-rusë dhe ndani Ukrainën në dy pjesë, si Gjermania Lindore dhe Perëndimore
Ky është plani që pretendohet se është zbuluar nga kundërzbulimi ukrainas dhe është publikuar në uebsajtin “Ukrainska Pravda”, por deri tani nuk ka ansjë konfirmim zyrtar dhe kjo nuk është vërtetuar. Megjithatë, zhvillimet e fundit tregojnë se forcat ruse po bëjnë gjithçka për të marrë nën kontroll Kievin dhe aeroportet e vendit.
Pamjet: Trupat ushtarake ruse shkaterrohen nga forcat ukrainase ne Kherson
