Këngëtarët e muzikës popullore dhe asaj të rrymës tallava kanë sezonin e tyre gjatë muajve të verës.
Ata janë të ftuar në dasmat që zhvillohen gjatë kësaj periudhe dhe pagesat janë tejet të kënaqshme.
Orkestra që shoqëron një këngëtar për 5 orë këndim në një dasmë fitojnë një shumë që u del për disa muaj. Pas nuk mbeten a DJ që vijojnë të jenë tejet të preferuar.
Këto çmime variojnë nga 2000-7000 euro për dasmë, duke marrë parasysh edhe popullaritetin e këngëtarit.
Pra, një dasmë shqiptare, përveç gëzimit familjar, paraqet kulmin e fitimit për këngëtarët e estradës sonë, e këtu përfitojnë mirë edhe pronarët e restoranteve, kamerierët e të tjerë, ndërkaq familjes që ka gëzim i duhet, patjetër, t’i ketë disa mijëra euro për një dasmë ‘me të gjitha’, siç thotë populli, shkruan Kosovarja.
Në kredi për të bërë dasmë?
Në majën e hierarkisë ngjiten disa nga yjet e estradës shqiptare dhe asaj të Kosovës, si këngëtarët: Artiola Toska, Fatmira Breçani, Ylli Baka, Era Rusi, Ervis Behari, Bujar Qamili, Valbona Mema etj. E ndër ata të Kosovës Shkurte Fejza, Mahmut Ferati, Shyhrete Behluli, Remzie e Nexhat Osmani, Motrat Mustafa, Meda, Shkëlzen Jetishi-Xeni, Ramadan Krasniqi-Dani, Edi Furra, Lori etj.
Shuma për një mbrëmje në një dasmë është e njohur për shumicën e atyre që dëshirojnë të argëtohen me këta yje të estradës shqipe.
Siç dihet, disa familje futen edhe kredi për të bërë dasma e bankete të mëdha. A është zgjidhje kjo? Këtë e dinë më së miri ata që e kanë provuar këtë punë.
