Një herë mbretëresha e ndjerë i shkroi një letër Presidentit Dwight D. Eisenhower me recetën e saj të preferuar bashkangjitur.
Letra dhe receta origjinale u shkrua në vitin 1960 pasi Eisenhower dhe gruaja e tij, Mamie, vizituan mbretëreshën në kështjellën e saj në Balmoral.
“Duke parë një foto tuajën në gazetën e sotme, duke qëndruar përballë një thëllëzeje të pjekur në skarë, më kujtoi se nuk ju kisha dërguar kurrë recetën që ju premtova në Balmoral,” shkroi ajo në hapjen e letrës së saj drejtuar Eisenhower.
Mbretëresha vazhdoi të detajojë përbërësit dhe recetën për petullat e saj– një version më i trashë i petullave standarde amerikane të cilat hidhen në foma.
Receta e petullave të Mbretëreshës Elizabeth
Përbërësit:
4 filxhanë çaji miell
4 lugë sheqer pluhur
2 filxhanë çaji qumësht
2 vezë të plota
2 lugë çaji sodë bikarbonate
3 lugë çaji krem tartar
2 lugë gjalpë të shkrirë
Përgatitja
“Rrihni vezët, sheqerin dhe rreth gjysmën e qumështit së bashku, shtoni miellin dhe përziejini mirë së bashku, duke shtuar pjesën e mbetur të qumështit, gjithashtu sodën dhe kremin e tartarit, si edhe shtoni gjalpin e shkrirë.”
Sipas këshillës së mbretëreshës drejtuar presidentit të 34-të, “përzierja ka nevojë për një rrahje të mirë gjatë përgatitjes dhe nuk duhet të qëndrojë shumë përpara gatimit”.
Me shumë mundësi, receta me sheqer do të ishte konsideruar si një kënaqësi për mbretëreshën e ndjerë. Në vitin 2017, Darren McGrady, një ish-kuzhinier mbretëror i monarkut të ndjerë , tha për The Telegraph se ajo iu përmbajt një diete “të disiplinuar” gjatë gjithë jetës së saj.
“Ajo hante për të jetuar, ndryshe nga Princi Philip që i pëlqen të hajë dhe qëndron në këmbë dhe flet ushqim gjatë gjithë ditës”, shpjegoi ai, duke shtuar se “ajo ishte shumë e disiplinuar.”
