Në takimin e dytë të zhvilluar me kryebashkiakët, Kryeministri Edi Rama ka komentuar çmimet e larta në bregdetin e Jugut të Shqiërisëtë cilët cdo ditë dhe më shumë po largojnë turistët.
Rama është shprehur se është më e lehtë të shkosh në Greqi apo Turqi, për shkak të marrëzisë së çmimeve në Dhërmi ku një dhomë hoteli kushton 300 euro/nata.
“E domosdoshme është nxjerrja e një mësimi të rëndësishëm i gjithë bregut nga Vlora në Sarandë për çmimet. Nuk i vendosin bashkitë që i vënë çmimet, por kanë në dorë të luajnë rol sa ndërveprues aq edhe nxitës për turistët. Në këtë rast është ekonomia që ndikohet nga marrëzia e vendosjes së çmimeve që e bëjnë shumë më të lehtë të shkosh në Greqi apo Turqi sesa të rrish në Dhërmi. Është i mrekullueshëm por jemi larg së garantuari cilësi-shërbimesh. Dikush që hap një derë hoteli kërcet 200-300 euro natën, është e palogjikshme”, tha Rama
