Prej shekujsh njerëzit e kanë përdorur lëngun e kockave për të shëruar trupin dhe forcuar imunitetin. Lëngu i kockave përmban dy aminoacide thelbësore për ndërtimin e indit lidhor.
Ai përmban gjithçka që i duhet kockave tona, rruazave të gjakut, lëkurës dhe flokëve.
Blerina Bombaj sjell recetën ideale përmes së cilës mund të përgatisni lëng kockash me perime.
Ja receta:
Përbërësit:
-1 kg kocka viçi
-1 karotë e prerë kubik
-2 kërcej selino
-1 qepë
-2 gjethe dafine
-pak majdanoz
-8 gota ujë
Përgatitja:
Vendosni zarzavatet, erëzat, përbërësit në një tenxhere dhe i mbuloni me ujë të ftohtë. I vendosni kapakun dhe e lini të ziejë. Lereni përreth 1.5-2 orë.
Kur të ftohet, largoni zarzavatet e mbetura dhe vendoseni në një shishe me kapak që mbyllet hermetikisht. Mund ta përdorni për supëra ose ta konsumoni ashtu siç është.
