Mjekja psikiatre, Arjana Rreli dhe drejtori i Qendrës Kombëtare të Urgjencës Mjekësore bashkëjetojnë prej disa kohësh dhe duken shumë të lumtur bashkë.
Rreli ka treguar se partneri i saj është shumë romantic dhe ndër të tjera mbart shumë vlera njerëzore. Në një intervistë në emisionin “Vila 24” ajo rrëfeu se janë njohur nga shoqëri e përbashkët.
“Ai nuk ka fjalë, por vepra. Kur vjen me trëndafil në dorë, ndërsa paradite kam pasur një problem, ai pasdite më thotë ‘u zgjidh’… Ka shumë vlera njerëzore. Ishte një shkëndijë që nuk mund të them se ishte dashuri e menjëhershme, por një mënyrë të menduari ku përballë ishin dy njerëz që kishin një rezonancë të njëjtë e fatkeqësi në jetë”, tregon Rreli duke folur kështu për herë të parë në media për jetën e saj.
“A këmbëngulte ai?”, e ka pyetur gazetarja për të mësuar më shumë mbi natyrën e Bratajt, ndërsa Rreli i përgjigjet: “Jo shumë, nuk ishte nevoja të bëje interesantin, as të humbisje kohë që të njihje një njeri që ishte i lexueshëm”.
“Flasim gjatë si startoi e si të përsoset, se e mira nuk ka fund, jemi në dinamikë”, thotë Rreli, me shumë modesti për bashkëjetesën e cila në sytë e miqve dhe rrjeteve sociale duket mjaft harmonike.
Kujtojmë se Brataj ka një djalë i cili vazhdon shkollën për mjekësi. Një vit e gjysmë më parë kur ai tregoi se u prek nga Covid tha se e vetmja frikë ishte të linte djalin të vetëm në moshën 25 vjeçare.
