Ka humbur jetën sot në rrethana të çuditshme një deputet ukrainas, i cili ishte i përfshirë në një hetim për korrupsion.
Policia ukrainase ka konfirmuar se ka nisur një hetim për vdekjen e 33-vjeçarit Anton Polyakov.
Në një deklaratë, policia “konfirmoi paraprakisht se 33-vjeçari papritur ishte ndjerë keq në taksi. Mjekët e ambulancës u përpoqën ta sillnin në jetë, por nuk ia dolën. Zyra e Prokurorit të Përgjithshëm në Kiev tha se Polyakov u gjet pa ndjenja në sediljen e pasme të një taksie, të cilën policia e ndaloi për shkak të shkeljeve të trafikut.
Disa dokumenta, një celular dhe paratë që u gjetën, u konfiskuan nga policia. Polica po punon për zbardhjen e plotë të ngjarjes ndërsa do të merret në pyetje shoferi i tij.”
