Ekspertët gjithmonë pretendojnë se mëngjesi është ushqimi më i rëndësishëm ditor, pasi ai siguron ushqim të nevojshëm për ditën në vazhdim. Lista e mëposhtme tregon se çfarë duhet të konsumojmë ose nuk duhet të konsumohet me stomakun bosh:
Mos pini kafe
Shumë njerëz nuk mund ta imagjinojnë mëngjesin pa një filxhan kafe, por ky ritual i veçantë mund të prodhojë probleme të tretjes nëse ju pëlqen të pini kafe të zezë. Pirja e kafesë me stomak bosh stimulon prodhimin e acidit në stomak dhe rrjedhimisht irriton traktin e tretjes.
Mos merrni medikamente ose vitamina
Marrja e medikamenteve në stomak bosh mund të shkaktojë dhimbje stomaku, që mund të ndikojë rëndë në shëndetin tuaj. Megjithatë, ka disa ilaçe që janë rekomanduar për të marrë para ushqimit, kështu që ju duhet t’i kushtojnë vëmendje të madhe udhëzimeve të asaj që merrni.
Mos përtypni çamçakëz
Nuk rekomandohet që të përtypni çamçakëz në stomak bosh, pasi trupi reagon në përtypjet si një tregues se ju do të konsumoni ushqim dhe si rezultat stomaku fillon të prodhojë acide për të tretur. Kur nuk ka asgjë për të tretur, acidi shkatërron rreshtimin e stomakut tuaj dhe nëse e përtypni, shpesh mund të shkaktojë gastritin.
Mos bëni trajnime intensive
Nuk është e këshillueshme të stërviteni fort nëse jeni të uritur! Disa njerëz thonë se trajnimi me stomak bosh është më i mirë për humbjen e peshës, kjo gjithashtu do ju bëjë të humbisni masën e muskujve. Nëse i nënshtroheni stërvitjes me intensitet të lartë, presioni i lartë i gjakut dhe shkalla e rritur e zemrës mund të shkaktojnë marramendje, vjellje e dhimbje koke.
Qumësht lope dhe qumësht soje
Këto pije përmbajnë shumë proteina. Nëse i konsumon me stomakun bosh, proteinat do “detyrohen” të shndërrohen në nxehtësi dhe të konsumohen pa arritur të kenë efekt ushqyes dhe forcues. Mënyra e duhur është t’i konsumosh gjatë vaktit me bukë dhe produkte të tjera brumi, ose dy orë pas darke apo para gjumit.
Sheqernat
Të gjithë e dini që sasia e tepërt e sheqerit nuk ju bën mirë, por a e dinit që sheqeri i shtuar në shumicën e ushqimeve të përpunuara, si shurupi i misrit, ka të njëjtin efekt në mëlçi si alkooli? Sheqeri natyral i frutave ekuilibrohet nga fibrat e tyre, por sasitë e mëdha të fruktozës, sidomos me stomakun bosh, e ngarkojnë mëlçinë dhe mund ta dëmtojnë. Sheqeri tretet dhe përthithet lehtë nga trupi. Nëse konsumon shumë sheqer me stomak bosh, trupi nuk do të mund të prodhojë insulinë aq sa duhet për ta mbajtur nivelin normal të sheqerit në gjak, kështu që niveli i sheqerit në gjak do rritet, duke shkaktuar dëmtimin e syve.
Kosi
Kosi me stomak bosh, ul efektet e tij pozitive. Kosi duhet konsumuar dy orë pas darkës, ose para se të shkosh në shtrat. Kjo ndihmon që trupi të përthith vlerat e kosit.
Patate të ëmbla
Patatet e ëmbla përmbajnë taninë dhe pektinë, që nxisin muret e stomakut të sekretojnë më shumë acid gastrik, duke provokuar djegie stomaku dhe gjëndje të shqetësuar fizike.
Çaj dhe kafe
Të konsumoni kafe me stomak bosh, rrit aciditetin, kjo shkakton djegie stomaku dhe vështirësi në tretje gjatë gjithë ditës. Të konsumosh çaj, mund të frenojë sekretimin e lëngjeve gastrike dhe ul sasinë e vrerit dhe acidit në stomak i cili ndihmon në tretjen e ushqimeve dhe është esencial në procesin e nxjerrjes së kolesterolit të tepërt nga trupi.
Alkooli
Kur nuk ke ushqim në stomak, alkooli shkon menjëherë në gjak. Kur alkooli ndodhet në gjak, thithet lehtësisht nga i gjithë trupi, duke shkaktuar zgjerimin e enëve të gjakut dhe duke sjellë ndjesi të përkohshme të ngrohjes së trupit, rritje të rrahjeve të zemrës dhe presionit të gjakut. Ai kalon përmes stomakut, veshkave mushkërive, mëlçisë dhe pastaj në tru. Nuk i duhet shumë kohë për këtë, afërsisht 40% e alkoolit që pi një njeri, arrin në tru brënda një minute. Po të kemi ushqim në stomak, ulet raporti i alkoolit në lëndën që shkon në gjak, ngadalësohen efektet e tij dhe zvogëlohet
dëmi që u shkakton organeve.
Frutat
Ngrënia e frutave në mëngjes është mënyra më e mirë për ta nisur ditën. Një gjë e tillë do ju ndihmojë të keni një mendje të kthjellët por edhe të humbisni në peshë e të keni një sistem tretës në formë të shkëlqyer. Frutat janë të pasura me vitamina dhe minerale tepër të nevojshme për organizmin. Përthithja maksimale e këtyre ushqyesve është e gjitha në varësi të kohës së ngrënies së frutave. Sipas studimeve të fundit, frutat nuk duhen ngrënë pas vakteve, por me stomak bosh. Të dhënat shkencore tregojnë se ngrënia e frutave me stomakun bosh luajn rol madhor në
detoksifikimin e sistemit, të qenit energjikë dhe për rënie në peshë.
Çfarë ndodhë nëse konsumoni fruta pas ushqimit?
Fruti duhet të jetë ushqimi më i rëndësishëm për njeriun. Nëse ju keni ngrënë ushqim bashkë me dy feta bukë dhe më pas konsumoni fruta, nuk do të merrni vlerat ushqimore të tyre. Fruti nuk arrin dot në stomak në kohë, sepse pengohet nga ushqimi që keni konsumuar më parë. Kësisoj, si buka ashtu edhe frutat fermentohen në stomak dhe transformohen në acid. Në momentin që fruti bie në kontakt me ushqimin dhe lëngjet tretëse në stomak, e gjithë masa ushqimore prishet. Nëse frutat i konsumoni në mëngjes esëll, do të përfitoni më shumë dhe direkt prej tyre.
Kivi
Kivi është burim i shkëlqyer magnezi, kaliumi, vitamine E dhe fibër. Ai përmban dyfishin e vitaminës C në krahasim me portokallin.
Molla
Molla mund të përmbajë më pak vitaminë C, por ajo ka shumë antioksidantë dhe flavonoidë që përmirësojnë aktivitetin e vitaminës C.
Luleshtrydhet
Luleshtrydhet janë një frut mbrojtës për organizmin. Ato përmbajnë sasi të jashtëzakonshme të antioksidantëve që mbrojnë organizmin nga tumoret, bllokimi i enëve të gjakut dhe radikaleve të lira.
Portokalli
Portokalli njihet si ilaçi më i ëmbël. Ngrënia e një portokalli në ditë, ul kolesterolin, parandalon formimin e gurëve në veshka.
Fiqtë
Kur konsumohen në mëngjes, fiqtë qetësojnë organizmin, japin energji dhe ofrojnë vetëm ëmbëlsi natyrale, lehtësisht të përthithshme nga trupi i njeriut. Konsumimi i fiqve në mëngjes shërben edhe si rregullues dhe stabilizues i presionit të gjakut për aktivitetin e ditës në vijim.
Shalqini
Fruti që shuan etjen më shumë se çdo frut tjetër. Shalqini përbëhet nga 90% ujë, është i dobishëm për sistemin imunitar. Të dhënat tregojnë se ky frut përmban gjithashtu edhe antioksidantë të dobishëm, vitaminë C dhe kalium. Shumë persona e preferojnë shalqinin të shoqëruar me djathë për më shumë shije.
