Presidenti Ilir Meta ka reaguar sërish përmes një statusi në facebook, lidhur me reformën në drejtësi, të cilën e ka etiketuar tashmë si ‘Ramaforma”.
Ndërsa ndan me ndjekësit, refleksione të Ramaformave, kështu shkruan Presidenti, Meta ka publikuar statusin e dytë në pak kohë për ditën e sotme mbi këtë cështje dhe paralajmërom të tjera reagime shpjeguese mdaj “Ramaformës”.
“Për këtë Reformë u angazhuan profesorët më të mirë të Europës në të drejtën kushtetuese, të cilët bënë një punë të shkëlqyer për të garantuar një sistem drejtësie të pavarur dhe të pakapur nga politika. Profesionalizmi dhe paanësia e tyre garantoi konsensusin historik me 140 vota, duartrokitje dhe puthje të papërmbajtshme. Pra Reforma në Drejtësi u bazua te Komisioni i Venecias.
Po Ramaforma ku bazohet?!! Përsëri frymëzimi buron nga Venecia, por jo nga Komisioni, por nga Bienalja e Venecias. Pse? Sepse timonieri ynë është vetëm Artist.” shkruan Meta, ndërsa paralajmëron se dotë nisë me sqarimin e momentit historik të ndryshimit cilësor nga Reformë në Ramaformë, ‘një cikël i gjatë shpjegues dhe ctensionues’- shkruan Meta.
Postimi i plotë:
“Refleksione” mbi Ramaformat (Drejtësia e para) Reforma në Drejtësi me
të drejtë u vlerësua nga mbi 90% e qytetarëve si domosdoshmëri ulëritëse
për t’i dhënë fund korrupsionit dhe pandëshkueshmërisë, si dhe për të
rritur besimin te sundimi i ligjit.
Shumë misione ekspertësh ndërkombëtarë u angazhuan dy vite para miratimit të saj në Kuvend dhe shumë programe financimi vazhdojnë edhe sot.
Por baza e konsensusit të arritur ishin vetëm rekomandimet e Komisionit të Venecias, që është institucioni më prestigjioz në Europë dhe i pranuar nga të gjitha palët, brenda vendit por dhe nga partnerët ndërkombëtarë.
Për këtë Reformë u angazhuan profesorët më të mirë të Europës në të drejtën kushtetuese, të cilët bënë një punë të shkëlqyer për të garantuar një sistem drejtësie të pavarur dhe të pakapur nga politika.
Profesionalizmi dhe paanësia e tyre garantoi konsensusin historik me 140 vota, duartrokitje dhe puthje të papërmbajtshme.
Pra Reforma në Drejtësi u bazua te Komisioni i Venecias. Po Ramaforma ku bazohet?!! Përsëri frymëzimi buron nga Venecia, por jo nga Komisioni, por nga Bienalja e Venecias.
Pse? Sepse timonieri ynë është vetëm Artist. Ju të gjithë e dini arritjen më të freskët të Ramaformës në Drejtësi, pikërisht momentin kur Kolegji Zgjedhor duke shqyrtuar hallin e Idajetit trukoi se kishte rrëzuar Dekretin e Presidentit.
Pas pak fillojmë me sqarimin e momentit historik të ndryshimit cilësor nga Reformë në Ramaformë.
Ky do të jetë një cikël i gjatë, shpjegues dhe çtensionues. Pasi të
përfundojmë me Ramaformën në Drejtësi, do vijojmë me Ramaformat në të
gjitha fushat e jetës.
Falëminderit për durimin tuaj!
