Antonela ka disa ditë që nuk është në studion e “Për’puthen”, por puntatën e një dite më parë ishte në një lidhje “Skype”, ku foli me shumë inat për Mevlanin dhe Ledjanën.
E pyetur se çfarë mendon për puthjen e tyre gjatë takimit të fundmit, ajo e konsideroi“burrë me buzë silikoni”.
“Doja ta pyesja atë burrin aty, si t’u duk puthja e një burri për Shën Valentin? Apo puthja e një burri me buzë silikoni, nuk krahasohet me buzët e mia natyrale”, tha Antonela.
Ndërkohë Mevlani ka postuar në “Instagram” një foto të tij, ku duket se ka hedhur kunj kundrejt Antonelës.
“Kur të dështojnë në gjetjen e njeriut perfekt, do t’i marrë malli për ty”, shkruan konkurrenti i “Për’puthen” bashkëngjitur me foton ku shfaqet duke qeshur dhe duke bërë me duar zemrën.
Kujtojmë se ditën e djeshme, ndërsa moderatorja e programit e pyeti nëse kishte diçka për tu thënë Mevlanit dhe Ledjanës, ajo ka preferuar që të përgjigjet se nuk i njeh fare. “Kush janë ata se nuk i njoh?! I përshëndes të gjithë, edhe ata që më duana edhe ata që s’më duan”, tha Antonela.
