Fëmija i mitur 4 vjeç që u aksidentua pasditen e ssë premtes në aksin Klos-Burrel, ka ndërruar jetë.
Burime nga Spitali Traumës konfirmojnë se i mituri u dërgua me plagë të rënda në trup.
Fatkeqësisht, nuk mundi të mbijetojë.
Klos/ Informacion paraprak
Në aksin rrugor Klos-Burrel, shtetasi L.D., 52 vjeç, duke drejtuar automjetin tip furgon, ka humbur kontrollin mbi drejtimin e automjetit dhe për pasojë automjeti ka dalë nga rruga duke aksidentuar një shtetas të mitur, i cili është transportuar në spital për ndihmë mjekësore.
Drejtuesi i automjetit është shoqëruar në Komisariat për veprime të mëtejshme, ndërsa grupi hetimor po punon për zbardhjen e shkaqeve dhe rrethanave të aksidentit.
