Një 17-vjeçar shqiptar është vrarë me thikë nga dy të mitur në Peskara, Itali.
Trupi i pajetë i shqiptarit u gjet mbrëmjen e djeshme në parkun Baden Powell në qendër të Peskarës. Dy autorët, gjithashtu të mitur, njëri prej tyre djali i një komandanti policie të komisariatit lokal, tjetri djali i një avokati të njohur në qytet, po merren në pyetje aktualisht në komisariat.
Sipas mediave italiane, menjëherë pas vrasjes, dy të miturit kanë shkuar për të notuar në det dhe aty dyshohet se kanë hedhur edhe thikën e përdorur.
Shkaqet e kësaj ngjarje po hetohen nga autoritetet italiane, por dyshimet janë se një borxh droge mund të jetë bërë shkak për sherrin dhe vrasjen e shqiptarit.
