Një kërkim shkencor dedekton prezencën e estereve të parabenit në 99% të indeve tipike tek kanceri i gjirit. Parabeni është një kimikat me veti të ngjashme me estrogjenin dhe estrogjeni është një nga hormonet e përfshira në zhvillimin e kancerit të gjirit.
Testimi gjeti nivele të larta të n-propylparaben dhe methylparaben dhe nivele më të ulta të n-butylparaben, ethylparaben dhe isobutylparaben. Burimi i parabenit nuk mund të identifikohet saktë pasi 7 nga 40 pacientë të raportuar, treguan se nuk kanë përdorur asnjëherë antidjersë në jetën e tyre.
Por dihet që deodorantët dhe antidjersat janë burimi kryesor i parabenit. Është e rëndësishme të dini se cdo gjë me të cilën ‘spërkasni’ lëkurën tuaj, absorbohet në trup dhe shkakton probleme serioze. Studimet tregojnë se parabeni mund të prekë trupin si estrogjeni i cili çon në shkatërrim të masës muskulare, depozitim ekstra i yndyrës, gynecomastia mashkullore (rritje e gjoksit tek meshkujt), kancer në gji.
US Environmental Protection Agency EPA e lidh methyl parabenin me çrregullime metabolike, hormonale dhe neurologjike. Kini kujdes gjatë përzgjedhjes së produkteve kozmetike. Zgjidhni ato pa paraben. (Ju mund të beni vetë një deodorant, formulën e gjeni në këtë faqe).
Jo vetëtm kaq, por këto produkte mund të përmbajnë edhe metale të cilat veprojnë si metalloestrogjene që janë të afta të lidhin receptorët e estrogjenit qelizor dhe mimikojnë veprimin fiziologjike të estrogjenit. Përvec këtij, edhe alumini është një tjetër metal i rrezikshëm që mund të gjendet në deodorantët tuaj. Një studim nga Journal Cancer Research tregon se femrat që kanë kadmium në trupin e tyre, janë më të rrezikuara për t’u prekur nga kanceri në gji. Kadmiumi është një metal i rëndë kancerogjen i cili lidhet gjithashtu me receptorët e estrogjenit, duke imituar estrogjenin.
