Bamirësi Elvis Naçi ka publikuar pamje nga Thumana, nga shtëpitë e rindërtuar pas tërmetit të 26 nëntorit 2019.
Ai ka publikuar një pamje nga shtëpitë e rindërtuara që janë drejtë fundit, teksa shkruan se 155 shtëpi janë rindërtuar.
“Vëllezër dhe motra të nderuara jam nisur për Kosovë, por thash meqenëse është rrugës, të kaloj pak sekonda në Thumanë. Është vendi ku ka ndodhur mrekullia, kurrë në jetën time nuk kisha menduar se do bëjmë diçka të bukur, por kur qenkemi bashkë të gjithë shqiptarët dhe bashkohen dhe përpiqen për të bërë një gjë të mirë nuk mund të dali asgjë tjetër përveç se 155 shtëpia të mrekullueshme për të varfërit dhe ata që janë dëmtuar nga tërmeti. Zoti ju begatoftë” dëgjohet të thotë ai në videon e tij.
