Keqtrajtimi i kafshëve vijon të mbetet një fenomen tepër shqetësues në vendin tonë.
Kjo neglizhencë nga shteti bën që rastet të përsëriten dhe të jenë edhe më ekstreme. Së fundmi në redaksinë e JOQ ALBANIA ka mbërritur një denoncim për një qytetar në Elbasan i cili thuhet se dhunon dhe ushqehet me mishin e këlyshëve të rrugës.
Sipas qytetares që ka bërë denoncimin, personi në fjalë merr këlyshë në apartamentin e tij dhe i ther. Edhe ditën kur qyetarja i ka shkuar në lagjen e këtij qytetari, ai ka patur brenda në shtëpi një këlysh dhe po behej gati per te. Ajo thotë se personi në fjalë ka qenë duke tentuar të vrasë qenin pasi edhe në dritare ka dalë duke folur me thikë në dorë.
Më tej qytetarja shton se pasi e kanë shpëtuar qenin nga duart e këtij “kanibali” e kanë dërguar për kontroll te veterineri për të parë gjendjen shëndetësore të tij.
Në lidhje me këtë denoncim, qytetarja ka njoftuar edhe Policinë e cila ka bërë shoqërimin e personit në fjalë, por nuk dihen më shumë detaje.
Denoncimi i qytetares:
Ganibali Elbasanit qe ushqehet me mishin e kelysheve te rruges, Pamjet jane tronditese, Per fat te mire kelyshi shpetoj per pun sekondash mostren e gjetem me thik ne dore dhe kelyshin e kisht kap nga kembet e pasme dhe me koke posht gati per ta there, Kelyshin e derguam menjeher ne klinike per kontroll
